0

«Қадыр оқулары» байқауы

Екі ішектің бірін қатты, бірін сәл-пәл кем бұра.

Нағыз қазақ – қазақ емес,

Нағыз қазақ –

Домбыра!

Ақтау қалалық білім бөлімінің және қалалық білімді дамыту орталығының  жұмыс жоспарына сәйкес, жалпы білім беретін мектептің 5-11 сынып оқушылары арасында Қадыр Мырза Әлінің  шығармаларын насихаттау, оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсіне білуге  үйрету, жас дарындарға әлеуметтік-рухани қолдау көрсетіп, олардың шығармашылық қабілетін жандандыру мақсатында  «№12 жалпы білім беру орта мектебі» коммуналдық мемлекеттік мекемесінде ағымдағы жылдың 21 қаңтары күні сағат 09.30-да  «Қадыр оқулары»  байқауы  өткізіледі.

Байқауға сұраныс ағымдағы жылдың 18 қаңтарына дейін қалалық білімді дамыту  орталығына  түсіре отырып, төмендегідей ережелерге бағынады:

1.   «Сөздің  бәрі  құдіретті» - Қадыр Мырза Әлі шығармаларын жатқа оқу ;

2.   «Кейбір жырым дән ұшырып қырманда,

Кейбір жырым бақташы боп жүр маңда...» - Қадыр Мырза Әлі сөздеріне жазылған әндерді орындау;

Қатысушы 3 ән дайындап ұсынады, әділқазылар шешімімен 1 ән орындайды.

3.   «Қуып шығар қызыл сөзді ой кейін» - өз шығармаларын орындау (өлеңдер, әндер, музыкалық шығармалар) Қазылар алқасы қосымша тапсырма беруге құқылы.

Байқаудың  әр  бөлімі бойынша жеке-жеке оқушы қатыстырылады (әр мектептен үш бөліміне үш оқушы).

Байқауға қатысушыларға СӘТТІЛІК!