0

«Ақберен» байқауы

Қалалық білім бөлімінің және қалалық білімді дамыту орталығының жұмыс жоспарына сәйкес, жалпы білім беретін орта мектептің 8-11 сыныптар арасындағы оқушылардың гуманитарлық-эстетикалық ғылымдар саласында кәсіптік қызметін таңдауға шығармашылық қабілетті, өлең жазу, тапқыр талантын, дарындылығын ашу, олардың әмбебаптық қабілеттеріне баса ден қою (ақындық, шешендік шеберлігі, түрлі ұлттық аспапта ойнау, т.б.) шығармашылық қабілеттерін анықтау, бойында отаншылдық пен ұлттық рухты сіңіру, тілді, әдебиетті жете меңгеру, ұлтжандылық тәрбиені нығайту мақсатында «И. Жанболатова атындағы №15 жалпы білім беру орта мектебі» коммуналдық мемлекеттік мекемесінде ағымдағы жылдың 1 ақпаны күні сағат 09.30-да «Ақберен» байқауы өткізілетіндігін хабарлаймыз. Байқауға сұранысты ағымдағы жылдың 31 қаңтарына дейін қалалық білімді дамыту орталығына түсіре отырып, байқауға қатысушы төмендегі номинациялар бойынша сынға түседі.
1) «Шешендік, білгірлік сайысы» номинациясы бойынша екі оқушы қазылар алқасы тарапынан берілген тақырып бойынша алдымен өз ойларын жеткізеді (5 минут). Қазылар алқасы тарапынан қойылған сұрақтарға жауап береді (әр қатысушыға 5 сұрақтан);
2) «Көркемсөз оқу» номинациясы бойынша байқауға қатысушы өзі таңдаған шығармасынан үзінді оқиды (5-7 минут);
3) «Эссе жазу» номинациясы бойынша қазылар алқасы тарапынан ұсынылған еркін тақырыпқа эссе жазу (2 сағат); 
4) «Ұлттық аспапта өнер көрсету» номинациясы бойынша өзі дайындаған бір шығарманы ұлттық аспаппен орындау;
5) «Ақындар айтысы» номинациясы бойынша ойының тапқырлығы, сөз көркемдігі тақырыпты аша білуі, орындаушылық шеберлігі, суырып салмалық (импровизаторлық);
6) «Ақындар мүшәйрасы» номинациясы бойынша жазбаша 3 өлең ұсынады. 1 өлеңді жатқа оқып береді. Қазылар алқасы тақырып ұсынады, ұсынылған 3 тақырыптың біреуіне өлең шығарады. 
Сыннан сүрінбей өтейік, қатысушылар!