0

Маңғыстаунама - 2019

Ақтау қаласының білім бөлімінің «Маңғыстаунама - 2019» танымдық байқауын өткізу туралы №318 бұйрығын негізге ала отырып, №28 жалпы білім беру орта мектебінде аталған шара ағымдағы жылдың 19 желтоқсаны күні өткізілген болатын. «Маңғыстаунама» танымдық шарасы​ - Жиде Баулыбайқызы Жеткізгеннің авторлық жобасы. Десек те, облыс көлемінде өзіндік статусы бар, оқушыларды да, ұстаздарды да қызықтыра білетін бірден-бір шара. Бұл шараның негізгі мақсаты: жалпы білім беретін орта мектеп оқушыларының шығармашылық қабілетін шыңдау, Маңғыстау тарихын кеңінен тану, жерлес ғалым, зерттеуші Серікбол Қондыбайдың шығармашылығында кездесетін тарихи тұлғалардың, тарихи оқиғалар өткен жерлердің, оқиғалар көрінісін суреттей білуге баулу, Маңғыстау ақын-сазгерлерінің еңбектерін ​ дәріптеу, ұлықтау. «Маңғыстаунама» танымдық шарасы​ III бөлімнен:
​ ​ ​ ​ ​ ​ ​I.Жерлес ғалым, зерттеуші Серікбол Қондыбайдың шығармашылығында кездесетін тарихи тұлғалардың, тарихи оқиғалар өткен жерлердің, оқиғалар көрінісінен сурет салу;
​ ​ ​ ​ ​ II. «Мыңжылдық тарихы бар Маңғыстауым» – тақырыбында жас ақындар шығармашылығы. (Тақырып аясында «Маңғыстау - қызғалдақтар мекені», «Жеті жұрт келіп, жеті жұрт кеткен Маңғыстау», «Аспан астындағы мұражай» сөз тіркестері ашылуы тиіс).
III. Маңғыстау туралы сазгерлердің туындысын орындау. Байқауға әр мектептен 1 әнші қатысып, бір терме не бір ән орындайды.
Аталған 3 бөлім бойынша І және ІІ орын алған оқушылар облысқа жолдама​ алды. Облыстық іріктеу өткізіліп, 4 оқушының жұмысы өтті.
​ ​ ​ ​ ​ ​ ​ ​ ​ 25 желтоқсан күні «Маңғыстаунама - 2019» танымдық шарасының облыстық кезеңі өтіп, С.Мұқашев атындағы №16 жалпы білім беру орта мектебінің 8-сынып оқушысы​ ​ Арманұлы Әлішер сурет салу бағыты бойынша​ І орынды және Н.Оңдасынов атындағы №5 жалпы білім беру орта мектебінің 8-сынып оқушысы Мақұлбек Дулат ІІІ орынды иеленсе, ән айту бағыты байынша Н.Оңдасынов атындағы №5 жалпы білім беру орта мектебінің 10-сынып оқушысы Нығмет Арай​ І орынға ие болды. Ал ақындық бағыт бойынша №21 жалпы білім беру орта мектебінің 8-сынып оқушысы Жолдасбаева Жанерке ІІІ орын жеңімпазы атанды.​
​ ​ ​ ​ ​ ​ «Маңғыстаунама - 2019» танымдық шарасына оқушыларды үкілеп дайындаған жетекшілері мен қалалық кезеңде жүлделі орындардың иесін дәл тапқан қазылар алқасы мен ұйымдастырушыларға алғысымыз шексіз. Лайым биіктен көріне бергей!​ Биылғы жылдың соңғы шарасынан алған жеңістеріміз жеңіске ұласа берсін! Алдағы жаңа 2020 жылдан күтер жақсылығымыз мол болғай!