СЕРІКТЕСТЕР СЕРПІНІ...

№13 гимназиясында серіктес мектептердің арасында "Білім алушылардың функционалдық сауаттылығын дамытуда инновациялық әдіс-тәсілдерді қолдану" тақырыбында қалалық семинар өткізілді.

Әдістемелік семинар барысында №12 о/м тарих пәні мұғалімі А.Мұқанова 9-сыныпта «ҚР Тәуелсіздігін жариялауы" тақырыбында, №12 о/м география пәні мұғалімі А.Умарова «Халықаралық экономикалық қатынастар, түрлері» тақырыбында, №16 о/м математика пәні мұғалімі Ж.Сайфекенова ​ 5-сыныпта «Санның пайызын және пайызы бойынша санды табу», №16 о/м орыс тілі мен әдебиеті пәні мұғалімі А.Калышниязова "Право на жизнь и достоинство личности" тақырыбында ашық сабақтар өткізді.

№13 гимназиясының ұстаздары К.Ғайыпбаева, Д.Құдайбергенова жетекші мектептің кәсіби қоғамдастық аясындағы жасалып жатқан жұмыстарына тоқталды.

Серіктес үш мектептің 113 респондентінен алынған сауалнама қорытындылары нәтижесінде шыққан негізгі басымдылықтармен таныстырылды:

1. Бірлесіп жоспарлау;

2. Оқу мен тәрибиенің заманауи технологиялары;

3. Сабақты зерттеу дағдыларын меңгеру.

Семинардың келесі бөлімінде ұстаздар гимназия тәжірибесіндегі жасалынып жатқан САБАҚТЫ ЗЕРТТЕУ-Lesson Study тәсілінің қалай жүзеге асып жатқанының куәсі болды.

Практикалық кезеңде оқушылардың оқу сауаттылығын арттыруға арналған мәтінмен жұмыс түрлерімен №13 гимназияның қазақ тілі мен әдебиеті пәні мұғалімі К.Тулембетова таныстырып, өз іс- тәжірибесімен бөлісті.

Семинарға сексенге жуық ұстаздары мен жетекші мектеп үйлестірушілері қатысып, семинар жоғары деңгейде өткізілді.

Семинар нәтижесінде қоғамдастық мүшелерімен сенімді қарым-қатынас орнап, командалық жұмыс үйлесімділік тапты.

Шынайы жасалған жұмыстар ары қарай да жалғасын тауып, мектептер арасындағы серіктестік жалғаса бермек.