0

Жалпы білім беретін пәндер бойынша республикалық олимпиадасы

Жалпы білім беретін пәндер бойынша республикалық олимпиаданың қорытындысы туралы

Қазақстан Республикасы Білім және ғылым министрлігінің 2016 жылғы 7 қарашадағы «2016-2017 оқу жылында жалпы білім беретін пәндер бойынша республикалық олимпиаданы өткізу туралы» №638 бұйрығы негізінде 2017 жылы 13-18 наурыз күндері Павлодар қаласында жаратылыстану-математикалық бағытында, 24-29 наурыз күндері Ақтау қаласында қоғамдық-гуманитарлық бағытында республикалық олимпиада өтті.

Жаратылыстану-математикалық бағытында 37 оқушы, қоғамдық-гуманитарлық пәндер бағыты бойынша 41 оқушы, барлығы 88 оқушы қатысты.

Олардың ішінде 36 қатысушы түрлі дәрежедегі дипломдармен және медальдармен марапатталды: 7 оқушы - І дәрежелі диплом және алтын медаль, 10 оқушы - ІІ дәрежелі диплом және күміс медаль, 19 оқушы - ІІІ дәрежелі диплом және қола медальға ие болды.

Жаратылыстану-математикалық бағытында облыс командасы «Ең үздік олимпиада команда - 2017» номинациясымен марапатталып, ІІ орынға ие болды.

Түпқараған ауданы, Ақшұқыр мектеп-лицейінің 11 сынып оқушысы Аменова Анель «Ең үздік ауыл оқушысы - 2017» номинациясын және оның мұғалімі физика пәні мұғалімі Жауперова Шырынгүл «Ең үздік ауыл мұғалімі - 2017» номинациясын жеңіп алды.

Қоғамдық-гуманитарлық пәндер бағытында Бейнеу лицейінің 11 сынып оқушысы Шахаманова Лаура «Ең үздік ауыл оқушысы - 2017» номинациясымен, Бейнеу лицейінің қазақ тілі мен әдебиеті пәні мұғалімі Ауданбаева Қамар «Ең үздік ауыл мұғалімі - 2017» номинациясымен, Ақтау қаласы «Білім-инновация» лицейінің 10 сынып оқушысы Ахвердиев Эдип «Полиглот-2017» номинациясымен марапатталды.

«Дарын» РҒПО-ның Алғыс хатымен Муханов Мақсат (№3 орта мектеп Мұнайлы ауд.), Аманбекова Гаухар (Ақтау, №23 орта мектеп), Исагалиева Кристина (Ақтау, №12 орта мектеп) марапатталды.

Маңғыстау облысының командасы «Ең үздік олимпиадалық команда - 2017» атағына және Бас жүлдеге ие болды.

Маңғыстаулық оқушылар география, орыс тілі және әдебиеті, қазақ мектептеріндегі орыс тілі, құқықтану, ағылшын тілі пәндері бойынша алтын медальдарды иемденді.