«Цифрлық Қазақстан» мемлекеттік бағдарламасын іске асыру және Реформалар жөніндегі жоғарғы кеңестің кезекті отырысында Президент Қ.К.Тоқаевтың «Оқулықтарды цифрлық форматқа көшіру және оқушы сөмкесінің салмағын жеңілдету» жөніндегі тапсырмасын орындау мақсатында мектептердің оқу процессіне «Алматыкітап» баспасы әзірлеген TopIQ.kz электрондық оқулықтардың платформасын енгізуге байланысты, «TopIQ» білім беру web-платформасының электронды оқулықтарының мүмкіндіктері мен ерекшеліктерін тиімді пайдаланудың әдіс-тәсілдері» тақырыбында 2023 жылғы 14  сәуір күні қала ұстаздарына семинар өтті.

Семинар барысында «Алматыкітап» баспасының БҚО тренинг орталық басшысы Берниязова Айнагул Қайрмуханқызы платформа туралы толық ақпарат беріп, оқу процесін ұйымдастыруда оқушылар, ата-аналар, ұстаздар үшін тиімділігін көрсетіп, электрондық оқулықта тақырыпқа сай бейнежазбалар мен тыңдалымдар, түрлі түсті суреттер, логикалық ойындар, білімді бекітуге арналған қызықты тапсырмалар жиыны бар екендігін атап өтті.

Сонымен қатар, "Алматыкітап" баспасы ұйымдастырып отырған "Leader TopIQ" республикалық байқауының ережесі таныстырылып, байқауға қатысу туралы маңызды мәліметтер берілді.

Семинар барысында ұстаздар белсенділік танытып, сұрақ-ұсыныстарын, өз ой-пікірлерін ашық білдірді, кері байланыс арқылы сұрақтарға жауап алды.