Қазақстандағы «WorldSkills» қозғалысының жұмыс жүйесіне қосымша білім беру педагогтарын қосу, жұмысшы мамандықтарының беделін арттыру және 6-18 жас аралығындағы мектеп оқушыларын ерте жастан мамандыққа баулу, ерте кәсіптік бағдар беруді дамыту, ерте жастан балалардың жұмысшы мамандыққа құрметтері мен сүйіспеншіліктерін ояту, цифрлық дәуірде цифрлық технологиялардың қыр-сырын меңгерту, 9, 11 сынып оқушыларына жеңіл өнеркәсіп, ақпараттық технологиялар мен робот конструкция салаларында сұранысқа ие мамандықтарды таныстыру мақсатында Ақтау қалалық білім бөлімі бойынша «Оқушы" орталығы» коммуналдық мемлекеттік мекемесінің ұйымдастыруымен, 2023 жылдың 3 – 22 сәуір аралығында мектеп оқушылары, мектепалды даярлық, балабақша тәрбиеленушілерінің қатысуымен «WorldSkills Aktau -2023» чемпионаты аясындағы қалалық «Babyskills», «JuniorSkills» чемпионаттары өткізіледі.

    Аталған жобаға 16 жалпы білім беретін мектеп пен 2 арнайы-түзету мектеп интернаты, 4 балабақша тәрбиеленушілер қатыстырылуда.

Жалпы барлығы 300-ге жуық қатысушы төмендегідей 9 түрлі құзіреттілік бойынша чемпионатта бақ сынайтын болады:

«Компьютерді шашу, құрастыру, диагностикадан өткізу»,

«Веб-дизайн»,

«Графикалық дизайн»,

«Цифрлық модельер»,

«3Д-дизайнер»,

«Киім және әшекей бұйымдарды жасау дизайнері»,

«Сән технологиясы»,

«Киіз өнері – Истинг»,

«Сәндік – қолданбалы өнері – Матаға сурет салу»

03.04.2023 ж. күні «Веб-дизайн» құзіреттілігі бойынша 15-16 жас арасындағы оқушылардың қатысуымен чемпионаттың алғашқы жарыс күні басталды.

Барлық қатысушыларға сәттілік тілейміз!