0

Қала көлемінде өткен жылы атқарылған жұмыстар және алдағы міндеттер туралы есеП

ҚР Президентінің Жарлығына сәйкес, қала әкімі Ғ.Ниязов ағымдағы жылдың 31 қаңтар күні қала көлемінде өткен жылы атқарылған жұмыстар және алдағы міндеттер туралы есебін берді. Кездесу барысында тұрғындар қала тұрмысын жақсартуға қажетті ең маңызды мәселелер, өздерін толғандырып жүрген сұрақтар мен сауалдарын ортаға салды. Қала әкімі қаламыздың білім саласы бойынша атқарылған жұмыстарға да тоқталып өтті. Әлеуметтік салада баса мән берілетін бағыт – білім саласына тоқталатын болсақ, қала бюджеті 25 млрд. теңге болатын болса, оның 14 млрд. 91 млн. теңгесі білім саласына бөлінген.
Қалада барлығы 81 балабақша жұмыс жасайды, оларда 14 663 бала тәрбиеленуде. Оның ішінде 46 жекеменшік балабақшаға 3184 бала барады. Өткен жылы 5 балабақша ашылды (545 орын 15 ш/а, 24/1 үйдің асты, 17 ш/а 26 үйдің асты, 31Б ш/а №34 ғим., Шығыс-3 ш/а 53 ғим., Рауан т/м, 492 ғим).
Осы жылы салынып жатқан көпқабатты үйлердің бірінші қабатынан барлығы 475 орындық 6 және 14 ш/а бұрынғы балалар интернатының ғимаратына 280 орындық балабақша ашу жоспарлануда.
Бұдан басқа, облыстық білім басқармасына мемлекеттік жекешелік әріптестік негізінде 2140 баланы қамтитын 9 балабақшаның жеріне (Шығыс-1 320 орындық, 17 ш/а 140 орындық, 32А ш/а 2 балабақша әр қайсысы 240 орындық, 18, 18А, 19А, 20, 34 ш/а әр қайсысы 240 орындық) құрылыс салуға конкурс өткізуге ұсыныс жолданды.
Балабақшаларды оңтайландыру мақсатында, 33 (Айшуақ санаторлы бөбекжайы мен «Бәйтерек» шағын орталығыкірмейді) балабақшадағы 49 штаттық бірлік 33-ке азайып, 5-уі орталыққа өтті.11 штаттық бірлікке қысқарды.Енді, балабақшадағы есепші қызметкерлердің жалақылары мен ата-аналар төлемдерін есептейді.Ал, қалған жұмыстармен орталық айналысатын болады.
Жалпы орта білім беру
Қазіргі таңда, қаламыздағы 25 күндізгі (42891 бала + 0 - сынып 1971), 1 кешкі (160 оқушы) және 4 жекеменшік мектепте (776 оқушы) 45 888 оқушы білім алады.
2019 жылы 1426 бала мектеп бітіріп, 5 778 бала 1 сыныпқа келді (4-есеге артқан).
Жергілікті бюджет есебінен: көпбалалы, әлеуметтік аз қамтылған, бала күнінен мүгедек, ата-аналары І, ІІ топтағы мүгедек отбасыларының 2 200 баласы және барлық
1-сыныптың 5 581 оқушысы (2018 ж.-5168) мектептерде тегін ыстық тамақпен қамтылып отыр.
Биылғы оқу жылынан бастап аз қамтылған отбасы балаларын мектеп формасымен қамтамасыз ету жоспарланып отыр. Одан әрі, Рауан және Приморский елді мекендерінен Өмірзақтағы мектепке (27 о/м) – 415 баланы (4 автобус), Өмірзақ ауылына қарасты елді мекендерінен қалаға (24 мектеп) – 715 баланы (Өмірзақ – 169, Раун – 54, Приморский – 192, Приозерный – 315, әскери қалашық – 43 балалар, 4 автобуспен) және Мұнайлы ауданынан 253 бала автобустармен мемлекет есебінен мектептерге тасымалданады, одан басқа 748 бала ата-ана есебінен мектепке келеді.
Ал, мектептердегі мұғалім тапшылығын (34 педагог жетпейді және 198 мұғалім зейнет жасында немесе 6,7% құрайды) шешу мақсатында сәуір-мамыр айларында Орал, Өскемен, Тараз, Павлодар қалаларынан шақырту жоспарланып отыр. Оларды, өткен жылы қала әкімдігінің меншігіне өткен 31Б шағын аудандағы орналасқан жатақханамен қамтамасыз ету жоспарланған.
Қаладағы өзекті мәселенің бірі – үш ауысымдық оқыту.
Осыған дейін 28 ш/а-ғы №20 және 32А ш/а-ғы №29 мектептер үш ауысымда сабақ оқытады. Қалаға көшіп келушілер санының артуы мен демографиялық өсім нәтижесінде алдағы жылдары №10,12,28 мектептердің де үш ауысымға өту қауіпі бар.
Жоғарыдағы мәселені шешу мақсатында 34 ш/а 900 орындық мектеп құрылысы жүріп жатыр.
Одан басқа, 600 орындық 2 мектептің (17 ш/а, Шығыс-1 әр қайсысы 300 орындық) және жобалары жақсақталып жатқан 1200 орындық 5 мектептің (16,18,19,19А,31А) мемлекеттік жекешелік әріптестік негізінде құрылысын салуға облыстық білім басқармасына конкурс өткізуге ұсыныс жолданды.
(Бұдан бөлек, техникалық және кәсіптік білім беретін 17 колледжде 12 789 студент бар. Шамамен 700 студент жатақханамен қамтамасыз етуді қажет етеді. Мәселені шешу үшін Туризм колледжінің студенттері үшін 160 орындық, Маңғыстау облыстық гуманитарлық колледжі оқушыларына 100 орындық жатақхана ашу жоспарланған. Бұдан бөлек, осы жылы мемлекеттік жекешелік әріптестік негізінде «Каспий» әлеуметтік кәсіпкерлік корпорациясы (СПК) арқылы 27 шағын аудандағы «Қызмет көрсету» колледжінің аумағында және 3 «Б» шағын аудандағы Энергетикалық колледжінің аумағынан 300 орындық екі жатақхана салу жоспарлануда).