0

Жалпы білім беретін пән бойынша республикалық олимпиаданың қалалық кезеңі

Ақтау қалалық білім бөлімінің іс – шаралар жоспарына сәйкес ағымдағы жылдың 5-6 желтоқсан күндері жалпы білім беретін пән бойынша республикалық олимпиаданың қалалық кезеңі өткізілді. Олимпиаданың ашылу салтанаты №14 жалпы білім беру орта мектебі базасында өткізілсе, бүгін Мұрат Өскінбаев атындағы Маңғыстау облыстық филармонияда шара қорытындыланды. Шараға Ақтау каласы әкімі орынбасары Г.Алдашева, Ақтау қалалық маслихат хатшысы С.Т. Закенов, Қазақстан- Британ техникалық университеті проректоры Е.С. Смолякова және білім бөлімінің басшысы С.Д.Тулебаева, мектеп басшылары, ұстаздар мен оқушылар катысты.Екі күнге созылған пәндік олимпиадаға білім бөліміне қарасты 26 білім ұйымынан 429 оқушы қатысып бақ сынаса, 172 оқушы жеңімпаз атанды. І орынды 33 оқушы, ІІ орынды 38 оқушы, ІІІ орынды 101 оқушы иеленді. Жеңімпаз оқушыларға қалалық білім бөлімінің дипломдары, сертификаттар мен кубоктар табысталды. І, ІІ орын иеленген 71 оқушы облыстық кезеңге қатысатын болады.
Олимпиаданың қорытындылау сәтінде жекелеген пәндер бойынша оқушыларға Қазақстан-Британ техникалық университетінің гранттары табысталды. ІТ лицейінің 11 - сынып оқушысы Гунькина Анастасия Сергеевна математика пәнінен 50%, Н.Марабаев атындағы №7 мектеп - лицейінің 11 - сынып оқушысы Пак Андрей Владимирович информатика пәнінен 100%, С.Қондыбай атындағы №22 жалпы білім беру орта мектебінің 11 - сынып оқушысы Утебай Оралбай Қосниязұлы информатика пәнінен 50%, Н.Марабаев атындағы №7 мектеп - лицейінің 11 - сынып оқушысы Тищенко Кристина Викторовна информатика пәнінен 30%, Н.Марабаев атындағы №7 мектеп - лицейінің 11-сынып оқушысы Тарасова Дана Алексеевна физика пәнінен 50%, Н.Марабаев атындағы №7 мектеп - лицейінің 11 - сынып оқушысы Тлеугалиева Жанетта Асхатовна химия пәнінен 100%, №11 мамандандырылған физика - математикалық мектебінің 11 - сынып оқушысы Бахтыгереев Олжас Жақсылықұлы химия пәнінен 50%, №13 гимназиясының 11- сынып оқушысы Мухаметова Айлара Айметовна химия пәнінен 30%, Ф.Оңғарсынова атындағы №29 жалпы білім беру орта мектебінің 11 - сынып оқушысы Хабиболла Бибісара география пәнінен 100% грант иегерлері атанды.
Сондай-ақ, жоғары деңгейде жетістік көрсеткен 10 - сынып оқушыларына да Қазақстан- Британ техникалық университетінің гранттары табысталды. ІТ мектеп-лицейінің 10-сынып оқушысы Джуматаева Арухан физика пәнінен 30%, И.Сүйеубаев атындағы №8 жалпы білім беру орта мектебінің 10-сынып оқушысы Темірханова Динара математика пәнінен 30%, ІТ мектеп-лицейінің 10-сынып оқушысы Жауынбай Дильназ биология пәнінен 100%, №23 жалпы білім беру орта мектебінің 10-сынып оқушысы Шакерова Айдана биология пәнінен 50 % грант иегерлері атанды.
Жеңімпаздарының жетістігімен көш бастаған жалпы білім беру ұйымдары «Үздік олимпиада командасы» номинацияларымен марапатталды. «Үздік олимпиада командасы» номинациясы бойынша Н.Марабаев атындағы №7 мектеп – лицейі І орын, ІТ лицей ІІ орын, ІТ мектеп-лицейі ІІІ орын иеленді.
Жалпы білім беретін пән бойынша республикалық олимпиаданың қалалық кезеңінде І, ІІ орын иеленген, олимпиаданың облыстық кезеңіне жолдама алған оқушыларымызға сәттілік тілейміз. Жеңімпаз оқушыларымыздың білім додасында Ақтау қаласының намысын қорғап, қаламыздың мерейін арттырарына сенеміз.