Ақтау қаласы бойынша білім бөлімінің №57 «Aқбота» бөбекжайы жедел басқару құқығындағы мемлекеттік коммуналдық қазыналық кәсіпорнында «Мектепке дейінгі тәрбиелеу мен оқытудың жаңа мазмұнын іске асыру жолдары» тақырыбындағы қалалық семинар өтті.

      Ақтау қаласы бойынша білім бөліміне қарасты мектепке дейінгі ұйымдардың педагогтері семинарға уақытында келіп, тіркеуден өтті.

      Семинарды бөбекжай директоры Бақтыгереева Перуза Асенқызы ашып, педагогтерге сәттілік тіледі. Бөбекжай әдіскері Жапалақова Асылгүл семинар бағдарламасымен таныстырып өтті.

      «Асық алтын қазынам » ұйымдастырылған кешенді іс-әрекет (Ересек тобы) Исмағұл Раушан Дулатқызы,Досанова Гүлнұр (әже).

      Мақсаты: Атадан балаға өнеге болып қалар қазақ ұлтының ұмытылып бара жатқан дүниелерінің бірі асықты балаларға таныстырып көрсету, ойнату, түсіндіру, әртүрлі-түстегі асықтармен қарапайым математикалық сандарды санап үйрету. Сонымен қатар, санай отырып түстерін ажыратуға, ретімен орналастыруға үйрету.

      «Түстер әлеміне саяхат» ұйымдастырылған кешенді іс-әрекетті кіші топ тәрбиешісі Саулебекова Лариса өткізді.

     Мақсаты: Балаларға негізгі түстерді топтастыруға үйрету: қызыл, көк, жасыл. Сары түспен таныстыру. Балалардың коммуникативтік- ақпараттық құзіреттілігін молайтып, ой - түйсігін, қиялын дамыту. Сенсорлық ойлау қабілетін дамыту.

     «Қарым-қатынасты жақсартайық!» тренинг (педагогтермен) Азанов Кенжебек Жумашевич.

     «Жол тәртібін білейік, аман-есен жүрейік!» ұйымдастырылған іс-әрекет (Ересек топ) тәрбиешісі Сәду Шолпан, Халмурзаева Зульфия(жол сақшысы)

     Мақсаты: Балаларды жолда жүру ережесімен және бағдаршамның қызметімен таныстыру. Жол белгілерін айыра білу дағдысын қалыптастыру, көше жағдайындағы кеңістікті бағдарлай білу дағдыларын дамыту. Балаларды мейірімділікке, зейінді болуға, өзін - өзі қорғай білуге тәрбиелеу.

     «Құрғақ жүннен ши құрақ жасап үйренейік» ұйымдастырылған кешенді іс-әрекет Кесикбаева Амангуль.

     «Жер сілкінісі салдарынан туындаған төтенше жағдайлар » ұйымдастырылған кешенді іс-әрекет (МАД тобы) бөбекжай тәрбиешісі Джолмурзаева Гулсара Душамовна.

     Концерттік бағдарлама: Халық күйі «Келіншек» орындайтын ересек топ балалары. «Аспаптар» әні әуенді мектепалды даярлық тобы ұсынды. Жетекшісі: Тлеубергенова Жанар Отаровна, балалар өз өнерлерін жоғары деңгейде көрсетті.

     Ақтау қаласы бойынша білім бөлімінің «Оқу-әдістемелік орталығы қауымдастықтың жауапты маманы № «56» бөбекжай әдіскері Кульжанова Бакитжамал Дакеновна «Өте жақсы» деген баға берді және семинарға келген педагогтер өз пікірлерін айтып, алғыстарын білдірді.