0

Сапалы білім беру - оқыту мен тәрбиелеудің үздіксіз үдерісі

  Бүгін, 29 тамыз күні 2023-2024 жаңа оқу жылы аясында “Сапалы білім беру - оқыту мен тәрбиелеудің үздіксіз үдерісі” тақырыбында Ақтау қаласы бойынша білім бөлімінің, оқу-әдістемелік орталығының  ұйымдастыруымен “Достық” үйі ғимаратында жиналыс өткізілді. 

Мақсаты - сапалы білім беру мен саналы ұрпақ тәрбиесінде білім мазмұнының маңыздылығын талқылау.

  Жиналысқа Ақтау қаласы әкімінің орынбасары Сали Нұртас Төребекұлы, мектепке дейінгі ұйымдар мен білім беру мекемелерінің басшылары, орынбасарлар және өзге де қонақтар шақырылды. Алғашқы сөз Ақтау қаласы әкімінің орынбасары Сали Нұртас Төребекұлының құттықтауымен басталды.

    Бағдарламаның жүргізілу тәртібі бойынша Ақтау қаласы бойынша білім бөлімінің басшысы Тұрғанбаева Бағдат Сырымқызы «Өткен оқу жылының қорытындысы және жаңа оқу жылына жоспарланған міндеттер туралы», №21 жалпы білім беретін мектептің директоры Еңсегенова Гүлзада Еңсегенқызы «Мектеп командасы: тиімді басқару және білім сапасы», №4 «Аққу» бөбекжайының әдіскері Баймуханова Жания Карловна «Мектеп жасына дейінгі балалардың дамуында заттық-кеңістіктік  дамытушы ортаның қызметі» тақырыбында, Ақтау қаласының прокуроры Тұрмағамбетов Ержан Сисенбайұлы, «Ұлттық рух» қоғамдық бірлестігінің жетекшісі Сүгірбай Аят Исатайұлы «Ұлттық рух – ұлы құндылық», «Айрық» қоғамдық қорының жетекшісі, қоғам белсендісі Таласбай Ағлен Таласбайқызы бала тәрбиесі аясында сөз сөйледі.

     Өткен оқу жылында үздіктер қатарынан танылған мектептер сертификаттармен марапатталып, № 17 жалпы білім беретін мектептің қазақ тілі мен әдебиеті пәні мұғалімі Бүркітбаев Райымбек Тұрарұлының орындауында “Ұшады Маңғыстаудан шағалалар” әнімен жиналыс өз мәресіне жетті.   

: https://www.instagram.com/p/Cwh-tSHMMgg/