0

«Жалпы білім беру ұйымдарындағы ерекше білім алуға қажеттілігі бар балаларға инклюзивтік білім беру» тақырыбындағы семинар-кеңесі

Қазіргі таңда барлық әлем жұртшылығының назарын аударып отырған мәселе балалардың жеке сұраныстары мен ерекшеліктеріне ортаның, отбасының қатысуымен білім беру үрдісіне толық қосуды қарастыратын инклюзивті білім беру.
Инклюзивтік білім беру - барлық балаларды, соның ішінде ерекше білім алуға қажеттілігі бар балаларды жалпы білім үрдісіне толық енгізу және әлеуметтік бейімдеуге, жынысына, шығу тегіне, дініне, жағдайына қарамай, балаларды айыратын кедергілерді жоюға, ата-аналарын белсенділікке шақыруға, баланың түзеу-педагогикалық және әлеуметтік мұқтаждықтарына арнайы қолдау, яғни, жалпы білім беру сапасы сақталған тиімді оқытуға бағытталған мемлекеттік саясат.
Жалпы білім беру ұйымдарындағы ерекше білім алуға қажеттілігі бар балаларға инклюзивтік білім беруді жандандыру мақсатында Ақтау қалалық білім бөлімінің ұйымдастыруымен, білімді дамыту орталығында жалпы білім беру және мектепке дейінгі мекеме басшыларына, жауапты мамандарына арналған «Жалпы білім беру ұйымдарындағы ерекше білім алуға қажеттілігі бар балаларға инклюзивтік білім беру» тақырыбындағы семинар-кеңесі өткізілді. Семинарға Маңғыстау облыстық білім басқармасы басшысының орынбасары А.Ж.Тұржанова, арнайы білім беру және балалардың құқықтарын қорғау бөлімінің басшысы Ш.А.Байдуллаева қатысып, қазіргі уақытта еліміздің білім алуында қиындықтары бар балаларға психологиялық-педагогикалық қолдау көрсету мен білім беру жүйесінде басшылыққа алатын құжаттармен, оқу жетістіктерін бағалау тәсілдерімен бөлісті. Қалалық білім бөлімінің қызметкері А.Т.Искалиева ерекше білім беру қажеттілігін дер кезінде анықтап, оқушылардың сапалы білім алуы барысында психологиялық-педагогикалық қолдау көрсетіп, мұғалімдермен ата-аналардың өзара тығыз байланыста болуын, ерекше білімді қажет ететін балаларға әрдайым психологиялық-педагогикалық көмектің берілісін бақылауда ұстауды атап өтті.