0

Республикалық «Бастау» математикалык турнирінің қалалық кезеңі

Ақтау қалалық білім бөлімі мен білім үйлестіру орталығының жоспарын негізге  ала отырып, бастауыш сынып оқушылары арасында математикаға ерекше қабілетті дарынды балаларды анықтау, дамыту және оларға қолдау көрсету мақсатында  Республикалық «Бастау» математикалык турнирінің қалалық кезеңі 2018 жылдың  27 cәуір күні қалалық №23 орта мектеп базасында 2,3-4-сынып оқушылары үшін өткізіледі.

«Бастау» математикалык турниріне әр мектептен  2, 3, 4 сыныптың 3 оқушысынан құралған қазақ және орыс сыныптарының оқушыларынан құралған екі топ қатыстырылсын. Сұраныс 2018 жылдың 13 cәуіріне  дейін  «Ақтау қалалық білім үйлестіру орталығы» КММ түсірілсін.

«Бастау»  бастауыш сынып оқушыларының арасындағы математикалық турнирін өткізу

ЕРЕЖЕСІ

Осы ереже «Бастау» бастауыш сынып оқушыларының қалалық турнирінің (бұдан әрі турнир) мақсаты мен міндетін, өткізу тәртібі мен қаржыландыруды анықтайды.

1. Мақсаты мен міндеттері:

- Бастауыш сынып оқушылары арасында математикаға ерекше қабілетті дарынды балаларды анықтау, дамыту және оларға қолдау көрсету;

- Математикадан оқушылардың олимпиадалық құрама резервін қалыптастыруға ықпал жасау;

- Математикалық ғылымға оқушылардың танымдық қызығушылығын дамыту.

2. Турнирге қатысушылар құрамы:

- Қалалық турнирге әр мектептен бір топ жіберіледі, команда құрамы (2 сыныптан -1 оқушы, 3 сыныптан - 1 оқушы, 4 сыныптан - 1 оқушы) 3 оқушыдан қазақ  немесе орыс тілінде оқитын бір команда қатысады.

3. Турнирді өткізу тәртібі:

Қалалық турнир үш турдан тұрады:

І тур - «Шашу» турнирдің тұсаукесері. Командалардың 10 сұраққа жауап беру жылдамдығы ескеріледі.

ІІ тур - «Математикалық көкпар». Жарыс (көкпар) алдында әр командаға өзіндік жұмыс ретінде тапсырмалар беріледі. Орындау уақыты - 15 минут. Уақыт өткеннен кейін командалар берілген тапсырмаларды қорғайды. Берілетін уақыт 10 минут.

ІІІ тур - «Математикалық бәйге». Жарыс (бәйге) ауызша түрде өткізіледі. Әр командаға бірдей мазмұндағы бірқатар тапсырмалар беріледі. Команда тапсырмаларды орындағаннан кейін, топ жетекшісі қазылар алқасына есептің шығарылу жолын дәлелдеп береді. Кезең уақыты - 30 минут.

Олимпиаданың қазылар алқасы

Жалпы білім беретін орта мектептердің бастауыш сыныптарында сабақ беретін жоғары санатты мұғалімдер мен білім бөлімі қызметкерлерінен 1 төраға, хатшы және 3 - 5 мүшеден тұратын қазылар алқасы құрылады.

Қазылар алқасы турнирге қатысушы командалардың әр тур бойынша жұмыстарын тексереді. Әр турдың хаттамасын дайындап, үш турдың қорытындысы бойынша жүлделі І, ІІ, ІІІ орындардың жеңімпаздарын анықтап, марапаттауға ұсынады.