0

«Мағжан оқулары» сайысы

Ақтау қаласының «№9 жалпы білім беру орта мектебі» коммуналдық мемлекеттік мекемесінде ағымдағы жылдың 17 сәуірі күні сағат 09.30-ға «Мағжан оқулары» сайысы  өткізілу  жоспарланып  отыр.

Жалпы білім беретін орта мектеп оқушыларының шығармашылық қабілетін шыңдау, мемлекеттік тілдің қолданылу аясын кеңейту, Мағжан  Жұмабаев  шығармаларын  насихаттау  арқылы  тіл  мәдениетін көтеру, көркем әдебиетті жандандыру, дарынды балаларды анықтау, ұлттық ой-санасының қалыптасуына ықпал ету.

Байқаудың шарты:

• Оқу қазақ тілінде жүргізілетін мектептердің 5 -10 сыныптар аралығындағы оқушылары  қатыса  алады. Әр бөлімге 1 оқушыдан.

Сайыс  үш  номинациядан  өтеді:

Қатысушы өзі жатқа білетін шығармалардың тізімін қазылар алқасына ұсынуы қажет (ақынның шығармаларын көбірек жатқа білетін оқушыға жоғары баға қойылады).

«Толқынмен толқын сырласып...» - шығармашылық жұмыс. Мағжан Жұмабаевтың шығармалары бойынша зерттеу жұмыстары. Зерттеу жобасының құрылымына сай зерттеуге ұсынылатын өлеңдердің біреуін таңдап, сол өлеңге зерттеу жүргізеді. Қорғау слайд, баннер түрінде. Қорғау уақыты 7 минуттан аспауы тиіс (Қосымша 1.).

«Ақын да бір бала ғой айға ұмтылған» - жас дарындар конкурсы. Үш кезеңде жүзеге асады. 1 кезең: Өз шығармаларын орындау. Қатысушы өз шығармаларының жинағын қазылар алқасына алдын ала тапсыруы тиіс. 2 кезең: Қатысушылар ақынға арнаған өз шығармаларын орындайды. 3 кезең: Қосымша берілген тақырыпқа 4 жол өлең жолдарын жазу.

Мағжан оқуларының «Толқынмен толқын сырласып...» атты

бағытына қойылатын талаптар.

Мақсаты: Мағжан рухымен сырласа отырып, шығармашыл жастар ақынның  рухани мұрасының қазіргі заман жастары  үшін маңыздылығын өздеріне  жаңалық ретінде  ашады.

Зерттеу аспектілері:

1. Поэзиялық туындыда танылатын жалпыадамзаттық және ұлттық рухани құндылықтар;
2. Бүгінгі  күн проблемасымен үндестігі;
3. Ақынның тілдік шеберлігі;
4. Суреткерлік шеберлігі;
5. Ақын поэзиясындағы символдық бейнелер т.б.

Зерттеуге ұсынылатын өлеңдер:

«Мен жастарға сенемін»
«Шолпы»
«Жел»
«Пайғамбар»
«Толқын»
«Жұлдызды – жүзік, Айды алқа ғып берейін»
«Түркістан»

Зерттеу жобасының құрылымы:

Зерттеудің 

а) тақырыбы
ә) проблемасы
б) проблеманы шешудің болжамы
в)  пәні мен нысанасы
г) мақсат, міндеттері
д) әдіс-тәсілдері
е) ақпарат көзіне талдау
ж) оны шешудің жолдары
з) алынған нәтижені талқылау, қорытындылау

Зерттеу жобасына қойылатын талаптар:

- Ғалымдардың тақырыпқа байланысты зерттеу еңбектерін «ұрлауға» болмайды, цитата түрінде қолдануға ғана болады;

- Талдаулар бүгінгі күнгі жастардың танымы тұрғысынан ерекшеленуі керек;

- Проблеманы шешуде автордың өзіндік  көзқарасы танылуы керек;

- Автордың Мағжан шығармашылығының бүгінгі күн үшін маңызын аша білуі.

- Жұмыс 7 минуттан аспауы тиіс.

  

">