0

«Отан қорғаушы - 2018» қалалық әскери қолданбалы сайысы

Ағымдағы жылдың 26-27 сәуір күндері  «Отан қорғаушы - 2018»  қалалық әскери қолданбалы сайысы төмендегі ережеге сәйкес өткізіледі 

«Отан қорғаушы - 2018» қалалық әскери қолданбалы сайысын өткізу ережесі

1. Мақсаттары мен міндеттері

«Отан қорғаушы-2018» әскери-қолданбалы жарысы 13-16 жастағы оқушылар арасында өткізіледі. Мақсаттары мен міндеттері: әскери-патриоттық тәрбие жұмыстарын жандандыру және жетілдіру, оқушылардың елжандылық сезімдерін қалыптастыру, қатысушылардың спорттық шеберлігін көтеру, салауатты өмір салтын насихаттау.                                                     

2. Өткізу мерзімі және орны

1.«Отан қорғаушы-2018» әскери-қолданбалы жарысының өткізілу мерзімі және орны: 26-27 сәуір 2017 жылы Ақтау қаласында №4 гимназиясында өтеді.

2.2018 жылдан 23-ші сәуірге дейін сайысқа қатысатын оқушылардың сұранысы КММ «Ақтау қалалық білім үйлестіру орталығына» түсірілсін.   

3. Қатысушылар

Команда құрамы 6 (ұлдар) оқушы, 1 жетекші,1 төреші және команда өкілі. Жарысқа қатысушылар өздерімен бірге мынадай құжаттар әкелу керек: туу туралы куәлік (түп нұсқасы), әрбір оқушы туралы мәліметтер көрсетілген (аты-жөні, туған жылы, мектебі, сыныбы, медициналық мекеменің және мектептің дәрігері куәландырған жарысқа қатысуға берілген рұқсат қағаз) сұраныс.

4. Өткізу тәртібі және жабдықтары

            1.«Отан қорғаушы-2018» әскери қолданбалы жарыс түрлері бойынша өтеді:

            2. Командалардың саптық байқауы.

            3.Спорттың әскери-қолданбалы түрі бойынша командалық жарысы: 

-АК-74 автоматын толық емес бөлшектеп жинау;

-Пневматикалық винтовкадан тіреусіз ату;

-Зардап шеккендерге алғашқы көмек көрсету;

5. Жалпы дене дайындығы:

-турникке тартылу;

-жүрелеп отырып жоғарыға секіру;

-еденге қолын тіреп, жатып тартылу;

-арқасымен жатып денесін көтеру;

-отырған тіректен жатқан тірекке ауысу және керісінше.

6. Әр команданың төмендегідей өз белгілері болуы керек:

Тақтайша (қала, команданың аты жазылған). Көлемі:сабы-1м; ұзындығы-65см; ені-35см;

Киім үлгісі: 

а) ҚР Қарулы күштерінің киім үлгілеріне сәйкестенген  салтанатты әскери қызметкерлердің киім үлгілерін қайталамауы керек, (эмблема мен сол жеңінде клубтың ерекше белгісі бар); 

б) Жаттығу (спорттық) киімі: бас киімі, ҚР Қарулы күштерінің бас киімдері, әскери  қызметкерлердің бас киімдерін қайталамауы керек.

5. Марапаттау

«Отан қорғаушы-2017» әскери-қолданбалы сайысының қорытындысы бойынша командалық жүлделі орын анықталады.